Рецензия на сплит-кассету Los Suppositos/Stomachal Corrosion

Прислаша ми, братiе, грѣшьному, хужьшю сущю во всѣхъ человѣцѣхъ, касету чюдную велми мусикиискую отъ гудець заморьстиихъ, овѣхъ убо рекомыихъ Лосъ Супозитосъ еже есть отъ свѣщя въ афедронъ вълагаемыѣ, иже суть фрязи, овѣхъ же Ръжа Стомашьнаа, рекъше сырищьнаа, стомахъ бо есть славенскимь языкомъ сырище, иже отъ племене Хамова, на нюже касѣту възьрѣвъ абие очима своима недостоиныма увидѣхъ яко на лици ея животописьцемъ написанъ есть лобъ голъ сирѣчь мьртваа глава человѣческаа, въ очiю же тоѣ главы дъва мужа еста яко въ скаканіи бѣсовстѣмь: нозѣ убо воздѣста горѣ, главу же долу опустиста. А гудять зычьно и страшьно sѣло; и ничьтоже тщащеся пѣти яко въ хрестьянстѣи цьркъве литургисающе, ано лающе точiю яко пси: овъ убо сице: гавъ гавъ гавъ, овъ же: бу бу бу, и рикающе яко дивiи звѣріе. А пѣсни сице нарещи: Етатъ Мердъ, сирѣчь самодрьжавiе есть калъ, и инаа срамнаа, и пакы о хмѣлнѣмь питіи.

Обаче нѣцыи убо глаголють яко иніи суть игреци заморьстіи въ пѣснехъ проповѣдующе еже мяса не ясти, ниже вина пити, ниже бабъ ети. И крыжь на руку своею въ знаменiе сихъ налагающе.

(2004—2014)